عجينة السمبوسة في البيت.. انت هتصدريها للسوق

طريقة عمل عجينة السمبوسة في البيت لشهر رمضان بمكونات بسيطة وموجودة في كل بيت.

السمبوسة أو السمبوسك من المقبلات التي لا غنى عنها في كل بيت عربي خاصة في شهر رمضان، وغالبا نشتري عجينة السمبوسة الحاهزة من بره، وهي عجينة جيدة وتؤدي الغرض طبعا وتعمل أجمد سمبوسة، بس ايه رأيكم اننا نعمل عحينة السمبوسة في البيت وتطلع زي اللي بنشتريها من بره وافضل كمان، لأن شغل البيت دايما يكون أنظف وأضمن من الحاجات اللي نجيبها من بره.

موقع أطباق.كم 👍 هيقدملك طريقة عمل السمبوسة في البيت بسهولة وبمكونات متوفرة في كل بيت، وهنقولك على طريقة حفظ عجينة السمبوسة في الفريزر وهتبقى معاك مدة طويلة ان شاء الله من غير ما يتغير طعمها.

مقادير عجينة السمبوسة

• كوبين 2 من الطحين الابيض
• نصف ملعقة شاي من الملح
• 1 ملعقة شاي من الخل
• ملعقتان 2 أكل من الزيت
• نصف كوب من الماء

لعمل طبقات العجينة:

• نصف كوب زيت اضافي للدهن
• نصف كوب من نشاء الذرة.

طريقة تحضير عجينة السمبوسة

1. في وعاء العجن حطي الطحين ومعاه الملح.
2. اضيفي الخل والزيت وقلبي المكونات كويس جدا.
3. حطي المية واعجني الخليط حتى تتحصلي على عجينة متماسكة
4. اعجني العجينة كويس وادعكيها جامد.
5. حطي العجينة في وعاء وغطيها ببلاستيك الطبخ وخليها ترتاح لمدة ساعة.
6. بعد ما ترتاح العجينة افرديها بشكل اسطواني مستطيل زي اللي في الصورة.
7. 
8. قطعيها الى 8 قطع متساوية، و كوري كل قطعة وحطيهم يرتاحوا.
9. بعد نصف ساعة حطي نشاء او دقيق ابيض على طاولة او سطح العمل.
10. باستخدام اداة فرد العجين افردي كل القطع كويس جدا وبارق سمك ممكن وعلى شكل بيضوي. بحيث يكونوا بنفس الشكل والحجم.
11. بعد ما تنتهي من فرد القطع، خذي واحدة منهم وادهني وشها بالزيت باستعمال الفرشاة بكمية خفيفة فقط لمنع التصاق العجين مع بعض.
12. رشي شوية نشاء فوقها.
13. حطي عليها قطعة ثانية من العجين بشكل متطابق، وادهني الثانية بالزيت مع رشة التشاء بنفس الطريقة.
14. كرري العملية حتى تكملي اربع قطع فوق بعض.
15. وبنفس الطريقة اعملي الاربع قطع الباقيين حتى تحصلي على عجينتين، كل عجينة مكونة من اربع طبقات.
16. افردي كل جزء كويس جدا بشكل طولي، لازم تكون العجينة مفرودة بشكل مستطيل شوية وبأرق سمك ممكن، ولو الجوانب خارجة عن شكل المستطيل كتير اقطيعا، زي الشكل في الصورة.
17. 
18. حطي صاج على نار ضعيفة جدا، مهم النار تكون ضعيفة.
19. وحطي العجينة على الصاج و انتي هتفضلي تقلبيها وعينك عليها.
20. هتبدأ تغير اللون في النص، والدايرة تبدأ توسع لحد الأطراف، قلبيها باستمرار وما تخليهاش تحمر او تنشف.
21. ارفعي العجينة من على النار لما توصل لدرجة السوا اللي في الصورة
22. 
23. قطعي مستطيل العجينة لثلاث شرايط وافتحي برفق الطبقات الأربعة لكل شريط عشان ماتتقطعش منك.

وبكدة تكوني عملت عجينة سمبوسة رقيقة جدا زي الورق وناعمة و نظيفة لأنها شغل ايديك.

طريقة حفظ عجينة السمبوسة في الفريزر

لحفظ عجينة السمبوسة اتبعي الخطوات التالية:

1. حطي شرايط العجينة فوق بعض.
2. اضغطيها بايدك برفق حتى لا يبقى قدهواء بينهم.
3. ضعي العجينة في كيس الثلاجة.
4. فرغي كيس الثلاجة كويس من الهواء و اقفليه كويس.
5. حطي كيس عجينة السمبوسة في علبة وافدقفليها وحطيها في الفريزر.

وبكدة تكوني عملتي عجينة السمبوسك لرمضان، نظيفة وبجودة عالية، وهتستغني عن السوق نهائي طيلة شهر رمضان ان شاء الله.
مش كده وبس، انت لو تعملي مشروع عجينة السمبوسة ممكن تصدريها للسوق 😉 ونضمنلك انك هتسيطري على السوق وهيبقى افضل مشروع صغير 👌

ماتنسيش تشاركينا رأيك في التعليقات🙏
موقع أطباق.كم👍